Mengenal Resep Pisang Kapik : Salah Satu Makanan Asli Bukittinggi

ilustrasi pisang (Freepik/lifeforstock)

Sumbar- Kota Bukittinggi yang notabene no adolah kota wisata, salain kayo akan objek wisata, kota iko terkenal akan ragam kulineran dan jajanan kue basah, yang lamak dan baragam. Cita rasa no nan khas, manjadi palangkok bagi wisatawan yang bakunjuang ka kota iko. Wisatawan bisa mambali ragam oleh oleh, untuak di baok pulang atau mancubono langsuang. Salah satu makanan yang manjadi favorit urang siko adolah, pisang kapik. Di bawah iko, akan dijalehan bahan dan caro mambuek pisang kapik. 

Baca juga: Jalan Terindah Yang Ada di Provinsi Sumatera Barat: Apa Saja Ya?

Bahan bahan 

1.    1 ikek pisang batu (kepok)
2.    Potongan karambia 
3.    1 buah karambia 
4.    250 gram gulo pasia 
5.    100 gram gulo saka 
6.    ¼ sendok teh garam
7.    ¼ sendok teh vanila bubuak 
8.    Daun pandan 
9.    Aia
10.  Mentega 

Caro mambuek 

1.    Campuan gulo saka, daun pandan, vanila bubuak, gulo pasia dan aia, kamudian masak sampai gulono laruik. Satalah laruik, ketekan api kompor dan masak sampai menggumpal dan diaduak aduak. 

2.    Tamabahan karambia paruik ka dalam adonan, aduak sampai warnano manjadi coklat dan marato. 

3.    Kubak pisang batu nan lah basiapan, untuak pisangno, piliah pisang yang indak talalu matang dan jan juo tallau mudo. Pisang yang alah bakubak, latakan dalam tadah gadang atau piriang. 

Baca juga: Indak di Lua Nagari, 8 Objek Wisata Iko Balokasi di Sumatera Barat

4.    Angekan teflon sambia diolesan mentega, lalu baka pisang nan lah bakubak tadi, sampai ka sadoalahan sisino matang, (dibaliakan). Bagi UMKM yang manggaleh pisang kapik, ino mambaka pisang pakai baro api. 

5.    Jiko sudah masak, angkek pisang tadi dan latakan di ateh tadah, untuak di kapik (geprek). Mangapikno pakai baki. Siapan 2 lembar daun pisang yang alah diolesan jo mentega tipih tipih, guno pisang yang ka dikapik indak lengket. (kalau pakai plastik, bisa dioles pakai minyak)

6.    Kalau sudah, latakan pisang di ateh sahalai daun pisang yang alah baolesan tadi, sudah tu tutuik baliak pakai salembar daun pisang yang ciek lai. Lalu digeprek pakai baki dan takan takan, bia hasilno ancak. Gitu sataruihno untuak pisang nan lain, sasuai banyak pisang nan ka dibuek jadi pisang kapik. 

7.    Sasudah dikapik, lapehan pangapik dan daun pisang tadi, hasil pisang kapikno akan babantuak saparo bule dan lonjong. 

8.    Satalah itu, karno awak mambaka di teflon, jadi di dalam indak talampau matang. Awak bisa mambaka no baliak di teflon sakali lai. Olesan baliak mentega, supayo tambah wangi

9.    Jiko sudah matang, latakan di piriang nan lah basiapan tadi. Jiko ingin dihidangkan untuak disajian ka tamu atau sanak sudaro, latakan pisang dalam piriang ketek, ciek piriang bisa3-4 pisang kapik dan taburi di ateh no jo gulo karambia coklat, nan dibeuk tadi. Biasono di kadai kadai, urang manjuano saharago Rp.15.000,00.