Resep Mambuek Teh Talua: Minuman Asli Minangkabau

Teh talua (jadesta.kemenparekraf.go.id)

Sumbar - Kalau bakunjuang ka Provinsi Sumatera Barat, kurang langkok rasono kalau alun mancubo teh talua, nan merupakan minuman khas dari Provinsi Sumatera Barat. Teh talua mampunyoi cita rasa nan lamak dan gurih, cocok diminum pado pagi dan malam hari sambia menikmati dinginno malam. Di bawah iko, akan dijalehan resep dan caro mambuek teh talua khas Minangkabau, simak salangkokno. 

Bahan bahan 

1.    Talua itiak atau bisa juo talua ayam kampuang (sasuai salero)
2.    ½ sendok teh gulo pasia 
3.    2 sendok teh bubuak 
4.    200 ml aia angek 
5.    Susu skim 

Baca juga: Jalan Terindah Yang Ada di Provinsi Sumatera Barat: Apa Saja Ya?

Langkah langkah  mambuek 

1.    Pisahan talabiah dulu, kuniang samo putiah talua (buang bagian nan kental)

2.    Kuniang talua bisa dilatakan di galeh.

3.    Campuan gulo pasia ka dalam kuniang talua tadi, sasudah itu, mixer sampai tacampua rato salamo 1sampai 2 minik. 

4.    Dalam pemilihan teh bubuak, piliahlah teh nan ndak talampau haluih dan indak lo talampau kasa. Masuakan 2 sendok teh, untuak ciek galeh 

5.    Sasudah itu, angekan aia dan pastian aia tu angek manggulagak, sudah tu baru seduh teh pakai aia angek nan alah masak tadi 

6.    Aduak sampai rato dan pastian maaduakno agak lamo. Supayo teh no kental, karano kalau sumbarang diaduak, teh akan kurang mengental.

Baca juga: Indak di Lua Nagari, 8 Objek Wisata Iko Balokasi di Sumatera Barat

7.    Lalu sariang pakai saringan khsusus, yaitu saringan teh haluih berupa kain, dan kalau sudah, masuakan sagetek susu kental manis 

8.    Teh talua khas minang, siap untuak disajian. Biasono urang maminum teh talua iko, langkok samo jeruk nipis. Tapi untuak rasono, indak akan amis.

Raso dari teh talua ko, manih dan angek. Oleh sebab itu, teh talua iko cocok diminum pado hari hari dingin, contohno subuah subuah pagi atau di malam hari. Kalau ingin mancubo teh talua, langsuang dari urang manjuano, di Kota Bukittinggi ado beberapa rekomendasi tampek minum teh talua ko.